dukh dard ki saugat hai dunya teri kya hai


dukh dard ki saugat hai dunya teri kya hai
ashkon se bhari rat hai dunya teri kya hai



kuch log yahan nur-e-sahar dhundh rahe hain
tarik si ik rat hai dunya teri kya hai



paband-e-mashiyat hai tanaffus bhi nazar bhi
ik jazya-e-lamhat hai dunya teri kya hai



taqdir k chehre ki shikan dekh raha hun
aina-e-halat hai dunya teri kya hai



majruh-e-taqaddus hai taqaddus ki haqiqat
rudad-e-kharabat hai dunya teri kya hai



"Sagar" mein chalkate hain samawat k israr
saqi ki karamt hai dunya teri kya hai

Popular posts from this blog

Let's talk - Depression

Veg or Non-Veg

The Navy Call List - Military Phonetic Alphabet